54321 Happy New Year
2025年我喺日本過年，喺日本時間凌晨聽完知恩寺除夕鐘聲，我拖住一拐一拐嘅腳由山上行返落去寺廟大門前，喺Facebook同朋友時差倒數。至於一拐一拐嘅原因除咗因為我本身隻腳嘅舊患，仲因為上山嘅時候摔了一跤。傷膝中女⋯⋯
人在他鄉獨遊，仆完一鑊莫講話返到酒店浸溫泉，涼都差啲入唔到浴缸沖。好彩仲有幾日返香港。
呢個時候換衫都要一吋吋先除到。酒店梳妝枱對正床頭。無左平日快除快著動力，突然間我發現右邊乳房有啲唔妥。唔知係咪仆親果時件衫拉到，右邊上方好似seatbelt 勒到腫起一劃，但又唔痛唔紅，以為新衫過敏或者仆親果陣俾個袋勒腫左。始終隻腳痛重要過其他事，呢幾日仲大把地方要去。
以吋為單位慢慢爬入洗手間，盡力快手沖涼後就上床休息。全身酸痛赤瘀已經大於胸前"皮膚敏感"。
沒有留言:
張貼留言